Երեւան քաղաքի Արաբկիր եւ Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը հիմնավորված է համարել առեւտրային կազմակերպության ծառայողի կողմից լիազորությունները չարաշահելու համար Տ.Հակոբյանին առաջադրված մեղադրանքը:
Առաջադրված մեղադրանքի համաձայն` Տ.Հակոբյանը« հանդիսանալով «Ագրոհոլդինգ» ՍՊ ընկերության տնօրեն, իր լիազորություններն օգտագործել է ընկերության շահերին հակառակ, որի արդյունքում ընկերությանը և ընկերության հիմնադիր սեփականատերեր Գոռ և Արմեն Խեչոյաններին ծանր հետևանքներ առաջացնող առանձնապես խոշոր չափերի նյութական վնաս է պատճառել։
Տ.Հակոբյանը դատարանում ընդունել է առաջադրված մեղադրանքը եւ միջնորդել կիրառել արագացված դատաքննության կարգ, ինչը դատարանը բավարարել է:
Ձեռք բերված ապացույցների հիման վրա Երեւան քաղաքի արաբկիր եւ Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի` 2013թ. ապրիլի 15-ի դատավճռով Տ.Հակոբյանը ՀՀ քրեական օրենսգրքի 214-րդ հոդվածի 2-րդ մասով դատապարտվել է ազատազրկման` 2 տարի ժամկետով:
Միաժամանակ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մաuին» ՀՀ ԱԺ 2011թ. մայիսի 25 որոշման կիրառմամբ դատարանը Տ.Հակոբյանին ազատել է պատժի կրումից:
«Ագրոհոլդինգ»-ի տնօրենը իր լիազորություններն օգտագործել է ընկերության շահերին հակառակ
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
