ՀՀ քննչական կոմիտեի Լոռու մարզային քննչական վարչության Թումանյանի քննչական բաժնում քննվող քրեական գործով մեղադրանք է առաջադրվել երկու անձի՝ որպես տուժող դատարանում հարցաքննվելիս սուտ ցուցմունքներ տալու համար:
Նախաքննությամբ պարզվել է, որ Ա.Մարգարյանի կողմից երկու անձի առողջությանը ծանր մարմնական վնաս պատճառելու դեպքի առթիվ հարուցված քրեական գործի նախաքննության եւ դատաքննության ընթացքում տուժողները տվել են սուտ ցուցմունքներ։ Մասնավորապես՝ նախնական քննության տվյալներով տուժողները սուտ ցուցմունքներ են տվել իրենց ստացած մարմնական վնասվածքների մեխանիզմի վերաբերյալ՝ նշելով, որ Ա.Մարգարյանն իրենց չի դանակահարել և, իբր, մարմնական վնասվածքներն ստացել են վայր ընկնելու հետևանքով:
Ձեռք բերված ապացույցների համակցությամբ՝ տուժողներին մեղադրանք է առաջադրվել ՀՀ քրեական օրենսգրքի 338-րդ հոդվածի 2-րդ մասի 1-ին կետի հատկանիշներով (ծանր հանցագործության մեջ մեղադրանքի առնչությամբ սուտ ցուցմունք տալը):
Նախաքննությունը շարունակվում է, միջոցներ են ձեռնարկվում դեպքի բազմակողմանի և լրիվ հետազոտումն ապահովելու ուղղությամբ:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
