Ասում են՝ իսրայելական օդուժի կողմից դեկտեմբերի 19-ին Դամասկոսի Ջարամանա թաղամասի վրա իրականցված հարվածներից հետո, որի հետևանքով սպանվել էին լիբանանյան «Հիզբալլահ» շիայական արմատական կազմակերպության առանցքային դեմքերից մեկը՝ ազգությամբ դրուզ Սամիր Կունտարը և մի քանի այլ դաշտային հրամանատարներ, կտրուկ սրվել է ռուս-իրանական մրցակցությունը Սիրիայում: Իսրայելական օդուժի նման գործողությունների նկատմամբ Մոսկվայի զրոյական արձագանքը դիտարկվում է որպես Մոսկվայի կողմից սեփական դաշնակիցների ստորադասում՝ Հրեական պետության համեմատ: Նշվում է նաև, որ Սիրիայում Ռուսաստանի դաշնակիցների շրջանում դժգոհություն է առաջացնում հատկապես այն հանգամանքը, որ Մոսկվան նրանց և հատկապես Իրանին վերապահում է համեմատաբար երկրորդական դեր՝ ինքնուրույն կերպով բոլորի անունից բանակցելով Արևմուտքի հետ:
Իսկ որպես պատասխան քայլ Մոսկվայի քաղաքականության՝ Իրանը պատրաստվում է հնարավորինս նվազեցնել սեփական ռազմական մասնակցությունը սիրիական ռազմադաշտում ընթացող գործընթացներին:
Արմեն Պետրոսյան
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
