Հունվարի 3-ին՝ ժամը 19:00-ի դրությամբ, սաստիկ բքի և տեսանելիության բացակայության պատճառով փակ է Ճամբարակ-Դրախտիկ ավտոճանապարհի Ճամբարակի լեռնանցքը. տեղեկացնում է ՀՀ տրանսպորտի և կապի նախարարության լրատվական ծառայությունը:
Փակ են նաև Գորիսի տարածաշրջանի ավտոճանապարհները, Բերդ-Ճամբարակ ճանապարհահատվածը և Վարդենյաց լեռնանցքը:
Դժվարանցանելի են Գավառ-Մարտունի, Մարտունի-Վարդենիս ավտոճանապարհները:
Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին շուրջօրյա կատարում են մաքրման և աղով, ավազով մշակման աշխատանքներ:
