Արմավիրի մարզի ընդհանուր իրավասության դատարանում վարույթ է ընդունվել Հովհաննես Հայրապետյանի վերաբերյալ քրեական գործը, որի շրջանակներում վերջինիս մեղադրանք է առաջադրվել անչափահասի հետ սեռական հարաբերություններ ունենալու համար, որի հետևանքով աղջիկը հղիացել է: Նկատենք, որ տվյալ պարագայում անչափահասը ամբաստանյալի կինն է:
Առաջադրված մեղադրանքի համաձայն, 23-ամյա Հովհաննես Հայրապետյանը 2012թ.հունվարի 3-ից փաստացի ամուսնական հարաբերությունների մեջ գտնվելով Արմավիրի մարզի Եղեգնուտ գյուղի բնակչուհու հետ, որի 16 տարին դեռեւս լրացած չի եղել, պարբերաբար սեռական հարաբերություն է ունեցել նրա հետ, որի արդյունքում վերջինս հղիացել է,-գրում է Փաստինֆոն:
Հովհաննես Հայրապետյանին մեղադրանք է առաջադրվել ՀՀ քրեական օրենսգրքի 141-րդ հոդվածով` 16 տարին չլրացած անձի հետ սեքսուալ բնույթի գործողություններ կատարելու համար: Նրա նկատմամբ որպես խափանման միջոց է ընտրվել չհեռանալու մասին ստորագրությունը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
