«Ժողովուրդ» օրաթերթը գրում է.
«ՀՀ կրթության և գիտության ներկայիս նախարար Արմեն Աշոտյանը, որն այդ պաշտոնում վերջին օրերն է անցկացնում, նախապատրաստական վիճակում է:
«Ժողովուրդ»-ի տեղեկություններով՝ ՀՀ ԿԳ նախարարի պաշտոնը Դաշնակցությանը տալուց հետո Արմեն Աշոտյանին նոր պաշտոն չի տրվի: Ամենայն հավանականությամբ, նրան կառաջարկեն մինչև 2017 թվականը զբաղվել կուսակցական գործերով և նախապատրաստվել եկող տարի կայանալիք խորհրդարանական ընտրություններին՝ ղեկավարելով նոր ստեղծվելիք ինֆորմացիոն կենտրոնը:
Աշոտյանի հետագա կարգավիճակը ավելի շատ կախված կլինի նրանից, թե իրեն ինչպես կդրսևորի 2017-ի խորհրդարանական ընտրություններում: Իհարկե, զբաղվածության տեսանկյունից Աշոտյանը պարապ չի մնա, բայց քանի որ Հայաստանում կուսակցական գործունեությունն ընդունված չէ որպես աշխատանք համարել, ուստի կարելի է ասել, որ առաջիկա առնվազն մեկ տարում Արմեն Աշոտյանին սպառնում է «ակտիվ հանգիստը»»:
Ավելի մանրամասն կարդացեք թերթի այսօրվա համարում:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
