Չեռնոգորիայում գործող «Գիշերային գայլեր» մոտոակումբի ներկայացուցիչները մարտի 31-ին Երևանում էին։ Այս մասին ԼՈՒՐԵՐ. com-ի հետ զրույցում ասաց Չեռնոգորիայում հայկական «Անի» համայնքի ղեկավար Աննա Պետրոսյանը։ Ծրագիրն իրականացվել է Չեռնոգորիայում հայ համայնքի ղեկավարի նախաձեռնությամբ և հովանավորությամբ։
Մոտոակումբի ներկայացուցիչները հազարավոր կիլոմետրեր են կտրել-անցել, որպեսզի լինեն Երևանում։ Առաքելությունը մեկն էր՝ լինել աշխարհում առաջինը քրիստոնեությունն ընդունած երկրում, այցելել Էջմիածին։ «Գիշերային գայլեր» մոտոակումբի անդամները եղել են Սևանում, Դիլիջանում, Էջմիածնում և Երևանում։
Նրանք Չեռնոգորիայի եկեղեցու կողմից նաև նամակ ու սրբապատկեր են հանձնել Ամենայն Հայոց Կաթողիկոս Գարեգին Բ-ին՝ ի նշան երկու ազգերի համագործակցության, բարեկամության։ Ակումբի անդամներն այսօր առավոտյան մեկնել են Հայաստանից։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
