«Ժողովուրդ» թերթը գրում է.
«ՀՀ տրանսպորտի, կապի և տեղեկատվական տեխնոլոգիաների նորանշանակ նախարար Վահան Մարտիրոսյանը, պարզվում է, բավական պատկառելի հարստություն ունի։ Նա պաշտոնապես հայտարարագրել է 2 բնակարան, մեկական հողամաս, ավտոտնակ, հասարակական նշանակության շինություն, այգետնակ և անհատական բնակելի տուն։ Նա ունի «Mercedes-Benz S 350 L», «Merceses-Benz S 500 L 4 Matic» և «Posche Panamera GTS 4.8» մակնիշի ավտոմեքենաներ։
Հայտարարագրել է 50 հազար դրամ արժողությամբ բաժնեմաս։ Նրա փոխառությունները պաշտոնը ստանձնելու օրվա դրությամբ կազմել են 520 հազար դոլար և 15 մլն 200 հազար դրամ։
Իսկ ինչ վերաբերում է գումարային ունեցվածքին, ապա նշենք, որ նախարարը պաշտոնապես ունի 26 մլն 192 հազար դրամ, 627 հազար 926 դոլար, 321 հազար 966 եվրո։ Այս տարվա ութ ամիսներին նրա եկամուտները կազմել են 56 մլն 157 հազար դրամ, որից աշխատավարձը կազմել է ընդամենը 1 մլն 440 հազար դրամ։ Իսկ մնացած գումարները նա հայտարարագրել է որպես շահաբաժին կամ վարձակալության դիմաց ստացված եկամուտ։
Հիշեցնենք, որ Վահան Մարտիրոսյանը մինչև նախարար նշանակվելը զբաղեցրել է «GNC-ալֆա» ՓԲԸ տնօրենների խորհրդի նախագահի պաշտոնը»:
Ավելի մանրամասն կարդացեք թերթի այսօրվա համարում:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
