«Իրատես» թերթը գրում է.

«ՀԱՊԿ գլխավոր քարտուղարի պաշտոնում հայ թեկնածուի չհաստատման պատճառը կոնսենսուսի բացակայությունն է»՝ նախօրեին այսպիսի հայտարարություն է արել արտգործնախարար Շավարշ Քոչարյանը, սակայն հայկական կողմը պնդում է, որ պետք է գործի ռոտացիայի սկզբունքը, և ՀԱՊԿ-ի ղեկավարությունն իրեն հանձնվի։ Ակնհայտ է, որ այն «արդարացումը», թե հարցի չքննարկումը պայմանավորված է Ղազախստանի նախագահի բացակայությամբ, այնքան էլ մոտ չէ իրականությանը։

Իսկ ո՞վ էր այն հայ թեկնածուն, որի թեկնածությունն առաջարկել էր հայկական կողմը, իսկ ՀԱՊԿ երկրները կոնսենսուս չէին ապահովել։ Թեև մամուլն այդ օրերին գրում էր, թե ամենահավանական թեկնածուն ՀՀ պաշտպանության նախկին նախարար Սեյրան Օհանյանն է, հայաստանյան իշխանություններն այլ թեկնածու էին առաջադրել։

Մեր փոխանցմամբ՝ Հայաստանը ՀԱՊԿ գլխավոր քարտուղարի պաշտոնում ներկայացրել է ԶՈՒ գլխավոր շտաբի նախկին պետ Յուրի Խաչատուրովին։ Ստացվում է՝ ՀԱՊԿ անդամ որոշակի երկրների ղեկավարներ, քաղաքական նկատառումներից ելնելով, Խաչատուրովի «հացին վայիս են եղել», ինչից վերջինս բավականին նեղսրտել է, սակայն իշխանությունը հուսադրել է նրան, թե երբ էլ հարցը քննարկվի, նրա թեկնածությունն է ներկայացվելու»:

Ավելի մանրամասն կարդացեք թերթի այսօրվա համարում: