ՀՀ պաշտպանության նախարարն անդրադարձել է ՀՀ վարչապետ Կարեն Կարապետյանի այն հայտարարությունը, համաձայն որի ապրիլյան պատերազմում եղել են դեպքեր, երբ վառարանային վառելիքի հետ կերոսին են խառնել, ինչի արդյունքում տեխնիկան չի աշխատել:
«Արմենպրես»-ի հաղորդմամբ` մարտի 3-ին լրագրողների հետ ճեպազրույցում ՀՀ պաշտպանության նախարար Վիգեն Սարգսյանն ասել է, որ վարչապետի ասածը հասցեական էր և այն վերաբերում էր մասնավոր մատակարարումների նկատմամբ պետական վերահսկողությանը:
Նախարարը կարևորել է վարչապետի այդ մոտեցումը, համաձայն որի պետք է մատակարարվող վառելիքի նկատմամբ սահմանվի վերահսկողություն:
«Իրականում, ինչպես հասկանալի է, Պաշտպանության բանակն իրականացնում է պատշաճ վերահսկողություն արդեն իսկ ձեռք բերված վառելիքի նկատմամբ: Միաժամանակ, ծայրահեղ իրավիճակներում բանակին կարող են անհրաժեշտ լինել նաև լրացուցիչ պաշարներ մասնավոր մատակարարի կողմից»,- ասաց Վիգեն Սարգսյանը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
