Երեւանի կենտրոնում գտնվող մի քանի փոքր եւ միջին խանութներում առեւտրի ծավալները վերջին ամիսներին էականորեն նվազել են:
Այս մասին գրում է «Հայկական ժամանակ» թերթը եւ հավելում. «Տարբեր խանութների աշխատակիցներ երեկ մեր թղթակցին հայտնել են, որ նվազումը կազմում է մոտ 30-40 տոկոս: Վաճառողների ու մենեջերների սեփական ուսումնասիրությունների համաձայն, առեւտրի ծավալների նվազումը կապվում է արտագաղթի եւ գների աճի հետ: Ըստ վաճառողների` հիմա մարդիկ նախընտրում են գնել միայն առաջին անհրաժեշտության սննդամթերք, իսկ ահա երշիկեղենից գրեթե հրաժարվել են:
Որոշ խանութներում էլ նշել են, որ առեւտրի ծավալները նվազել են, քանի որ եթե մարդիկ նախկինում կիլոգրամներով էին առեւտուր անում, հիմա գրամ-գրամ են առնում: «Հիմա, օրինակ, 3 հատ նրբերշիկ են գնում եւ մի քանի գրամ կարագ»,- մեր թղթակցին հայտնել է Երեւանի կենտրոնում գտնվող խանութի վաճառողը»,- գրում է «Հայկական ժամանակը» (Մանրամասները՝ թերթի այսօրվա համարում):
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
