Հարձակվող Զլատան Իբրահիմովիչը, որն անցած շաբաթ հեռացվել էր «Մանչեսթեր Յունայթեդի» հայտացուցակից, ակումբի հետ կարող է կարճաժամկետ պայմանագիր կնքել:
Ինչպես տեղեկացնում է «Manchester Evening News»-ը, 35-ամյա ֆուտբոլիստը ծնկի վնասվածքից հետո շարունակում է վերականգնվել մանկունիացիների ճամբարում:
Եթե վերականգնողական փուլը հաջող անցնի, ՄՅՈւ-ն կարող է 1 տարվա պայմանագիր կնքել Իբրահիմովիչի հետ: Բժիշկները կանխատեսում են, որ շվեդ հարձակվողը խաղադաշտ կկարողանա վերադառնալ միայն 2018 թվականի հունվարին:
Հիշեցնենք՝ Իբրահիմովիչը «Մանչեսթեր Յունայթեդ» է տեղափոխվել անցած տարվա ամռանը՝ ազատ խաղացողի կարգավիճակով: Պայմանագիրը նախատեսված էր մինչև 2016/17 մրցաշրջանի ավարտը՝ ևս մեկ տարով երկարաձգելու հնարավորությամբ:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
