Blognews.am-ը գրում է.

Չնայած որոշ դժվարություններին, որոնք իրականում բնորոշ են յուրաքանչյուր երկրի, Հայաստանում ապրելու շատ պատճառներ կան: Այնպես որ ճամպրուկներն ու իրերը հավաքելուց ու արտերկիր մեկնելուց առաջ անհրաժեշտ է մտածել, թե ինչ եք կորցնում:


1. Այստեղ միշտ անվտանգ է

Երևանում առանց որևէ վախի կարելի է զբոսնել երեկոյան, անգամ գիշերային ժամերին: Շատ զարգացած երկրներ չեն կարող հպարտանալ հանցագործության այսպիսի ցածր մակարդակով և ապահովությամբ:

2. Անհոգ մանկություն

ԱՊՀ և արևմտյան այլ երկրների հետ համեմատած հայկական դպրոցներում չկան երեխաներ, որոնք թմրամոլությամբ են տառապում: Դպրոցականները չեն օգտագործում ալկոհոլային խմիչքներ և չեն վարում վտանգավոր կենսակերպ:

3. Հարգանքը ընտանեկան արժեքների նկատմամբ

Հայկական ընտանիքի դասական մոդել գոյություն ունի, որտեղ զույգը պայքարում է ընտանեկան բոլոր ճգնաժամերը հաղթահարելու և ընտանիքն ամուր պահելու համար:

4.Անվտանգ օրգանիկ սնունդ

Հայկական շուկաներում չեք գտնի գենետիկորեն մոդիֆիկացված կամ արագ պատրաստման սնունդ, որը տարբեր հիվանդությունների պատճառ կդառնա: Իսկ մեզ մոտ աճող բանջարեղենն ու մրգերը անմահական համ ունեն:

5. Այստեղ Ձեր ձայնը դեր ունի

Հայաստանում զարգացած է ցույցերի և ընդդիմադիր ակցիաների մշակույթը: Իհարկե, դրանք միշտ չէ, որ ցանկալի արդյունքի են հասնում:

6. Կարիերայում հաջողության հասնելու հնարավորություն

Չնայած այն փաստին, որ այստեղ աշխատանքի ընդունվելու համար հաճախ են օգտագործվում բարեկամական կամ ընկերական կապերը, միևնույնն է, լավ մասնագետն իրեն արժանի աշխատանքը միշտ էլ գտնում է:

7. Սեփական բիզնեսը ծաղկեցնելու հնարավորություն

Շատերն են դժգոհում մեր մաքսային և հարկային համակարգից, սակայն իրականում դրանք իրենց առավելություններն էլ ունեն: Օրինակ՝ կոմերցիոն բիզնես հիմնելու համար չեն պահանջվում առողջությանը, բանկային գործառնություններին կամ բարձրագույն կրթությանն առնչվող փաստաթղթեր:

8. Մարդկային ջերմ հարաբերություններ

Հայերը միշտ միմյանց օգնության են շտապում՝ լինի դիմացինը հարազատ մարդ, թե անծանոթ: Բացի այդ՝ չի հնանում հյուր գնալու կամ հյուր ընդունելու գեղեցիկ ավանդույթը, հարևանների հետ ընկերություն անելն ու բարեկամների հետ հաճախ տեսնվելը:

Նյութի աղբյուրը` Blognews.am