Թուրինի «Յուվենտուսի» հարձակվող Պաուլո Դիբալան գովասանքի խոսքեր է հնչեցրել «Բարսելոնայի» հարձակվող Լիոնել Մեսսիի հասցեին, որի հետ միասին պաշտպանում է Արգենտինայի հավաքականի գույները:
Դիբալան նրան համեմատել է կապտանռնագույնների, «Նապոլիի» և Արգենտինայի հավաքականի նախկին ֆուտբոլիստ Դիեգո Մարադոնայի հետ.
«Մեր սերնդի համար Մեսսին Մարադոնայի պես է: Ինձ համար մեծ պատիվ է խաղալ Լեոյի հետ ազգային թիմում: Նա խարիզմատիկ առաջնորդ է»,- Դիբալայի խոսքերն է փոխանցում «France Football»-ը:
Դիբալան նաև կարծիք է հայտնել ՊՍԺ-ի հարձակվող Նեյմարի մասին, ով ավելի վաղ հանդես էր գալիս «Բարսելոնայում».
«Նեյմարն աստիճանաբար մոտենում է Մեսսիի և Ռոնալդուի մակարդակին»:
Հիշեցնենք` Չեմպիոնների լիգայի խմբային փուլի 5-րդ տուրի շրջանակում «Յուվենտուսն» այսօր` նոյեմբերի 22-ին, սեփական հարկի տակ կընդունի «Բարսելոնային»: Հանդիպումը կմեկնարկի Երևանի ժամանակով 23:45-ին:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
