Կանադահայ հայտնի դերասանուհի Արսինե Խանջյանը, որն այս օրերին գտնվում է Հայաստանում՝ համաժողովրդական շարժմանը մասնակից դառնալու համար եւ Նիկոլ Փաշինյանի հետ 2 օր է, ինչ մարզերում է, ֆեյսբուքյան իր էջում գրառում է կատարել՝ անդրադառնալով հեղափոխությանը։
Նա, մասնավորապես, գրել է.
«Շատ սիրելի՜ իմ ժողովուրդ, բավարար չեմ կարող արտահայտել իմ երախտապարտությունն առ ձեզ, որ այսպիսի օրինակելի քայլերով և ձեր ձայնով Հայաստանի մեջ հնարավոր դարձրեցիք այս փոփոխությունները, որ ձեր արդար իրավունքն էր։ Ձեր խաղաղ հեղափոխությունը, ձեր քաղաքացիական իրավունքների իրագործմամբ, ողջ հայ ազգին հույս և ապագա շնորհեց։ Հատուկ շնորհավորանքներս երիտասարդներին, պատանիներին և նրանց ծնողներին, որ միաձայն միավորվեցին այս պայքարի շուրջ։ Շնորհակալ եմ նաև ձեր սիրո արտահայտման, այս օրերին հայրենիքում իմ ստացած ընդունելության համար։ Այսօր Հայաստանի հյուսիսային քաղաքներում և գյուղերում նվիրած այս ծաղիկների փնջով ինձ պարգևեցիք սիրված և սպասված լինելու զգացողությունը, որն ավելի է ամրացնում իմ անխախտ հարաբերությունը հայրենիքի հետ։ Դուք ինձ շատ եք ասել՝ մենք ձեզ սիրում ենք։ Այսօր ես ուզում եմ ինքս ասել՝ ես ձեզ շատ եմ սիրում, իմ խրո՜խտ ժողովուրդ։ Սրտով և հոգվով, Արսինե Խանջյան»։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
