ՀՀ վարչապետ Նիկոլ Փաշինյանը Facebook-ի իր էջում լուսանկար է հրապարակել, որն արվել է Արցախից վերադառնալուց հետ՝ Երեւանում։
«ՍՈւ-31CM. աշխարհի լավագույն կործանիչներից մեկի օդաչուի խցիկում եմ։ Արդեն Երևանում եմ»,-գրել է նա։
Ավելի վաղ NEW.am-ը հայտնել էր, որ Նիկոլ Փաշինյանը հունիսի 16-ին հանդիպում է ունեցել Արցախի նախագահ Բակո Սահակյանի հետ։
Փաշինյանը նախ շնորհավորել է Արցախի կառավարության նորանշանակ անդամներին նոր պաշտոններում նշանակվելու կապակցությամբ եւ ընդգծել, որ ողջունում ու կարեւորում է իրական եւ բովանդակային փոփոխություններ իրականացնելու Բակո Սահակյանի պատրաստակամությունը:
«Ցանկանում եմ այդ հարցում հայտնել մեր անվերապահ աջակցությունն Արցախի գործընկերներին ու անձամբ նախագահ Բակո Սահակյանին: Հայաստանի կառավարությունն անվերապահորեն աջակցում է Ձեր բռնած քաղաքական կուրսին»,- ասել է Նիկոլ Փաշինյանը: Հանդիպման ընթացքում Փաշինյանն ու Սահակյանը քննարկել են բանակաշինության, տնտեսության եւ մի շարք այլ ոլորտներին վերաբերող հարցերի լայն շրջանակ՝ կարեւորելով փորձի փոխանակումը եւ ավելի սերտ փոխգործակցությունը համապատասխան գերատեսչությունների միջեւ:
Փաշինյանն ու Սահակյանը այցելել են նաեւ Արցախի Արեւելյան հայտվածի պաշտպանական դիրքեր։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
