Բոստոնի բժշկական կենտրոնի մասնագետների եզրահանգմամբ, տարեց կանանց մեջքի հաճախակի ցավերը կարող են վաղաժամ մահվան բարձր ռիսկի ազդանշան լինել, գրում է Journal of General Internal Medicine-ը:
Գիտնականները փորձել են ավելի լավ հասկանալ կանանց մեջքի ցավերի պատճառները: Հատկապես 40-80 տարիքային խմբի կանայք են բողոքում մեքում ի հայտ եկող ցավերից. նրանք ավելի հաճախ են դիմում բժշկի, քան տղամարդիկ: Ըստ այդմ, կանանց մոտ մեջքի ցավերը կարող են լինել տանջող, հոգնեցնող:
Գիտական ծրագրին մասնակցել են 8000 տարեց կանայք, որոնց հետևել են 14 տարի: Այդ ընթացքում մասնակիցների կեսից ավելին մահացել է: Վերլուծելով նրանց մահվան հանգամանքները, հիվանդության պատմությունը, գիտնականները կապ են գտել մեջքի ցավերի և վաղաժամ մահվան հակվածության մեջ:
Նրանք եզրակացրել են, որ մեջքի ցավերի հետևանքով առաջացած շարժունակության խնդիրները կապված են վաղաժամ մահվան հետ: Կանայք գիտակցաբար կամ անգիտակցաբար սահմանափակում են իրենց շարժունակությունը՝ մեջքի ցավերի հետևանքով, որը կարող է կապված լինել քրոնիկ հիվանդությունների զարգացման հետ, որն էլ, վերջին հաշվով, բերում է վաղաժամ մահվան:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
