Air Moldova ավիաընկերության ուղևորը ցանկացել է տասը մետր բարձրությունից դուրս ցատկել ինքնաթիռից, փոխանցում է ՏԱՍՍ-ը:
Միջադեպը տեղ է ունեցել ուրբաթ, Մոսկվա-Քիշնև չվերթի ժամանակ: Օդանավում են գտնվել նաև Մոլդովայի Հանրապետության խորհրդարանի պատգամավոր Գրիգորի Նովակը և գործընկերները, որոնք Ռուսաստանից հայրենիք են վերադարձել:
«Բորտուղեկցորդուհին մոտեցավ ինձ և օգնություն խնդրեց: Նա ասաց, որ ուղևորներից մեկը ցանկանում է բացել դուռը և ցատկել ինքնաթիռից: Ես նրա հետևից գնացի, ուղևորին դռան մոտից մի կողմ տարա, սկսեցի հանգստացնել նրան այնպես, որ օդանավում խուճապ չառաջանա»,-ասել է Նովակը:
Նրան հանգստացնել հնարավոր չի եղել, ուստի, մյուս ուղևորների շրջանում խուճապ չառաջացնելու համար, խորհրդարանականները տղամարդուն կապել են: Վայրէջքից հետո նա բերման է ենթարկվել:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
