Արժույթի միջազգային հիմնադրամի տնօրենների խորհուրդը երկուշաբթի օրը հաստատել է Հայաստանին 84 մլն դոլարի հերթական վարկային տրանշ հատկացնելու հարցը: Այս մասին հաղորդում է արժույթի միջազգային հիմնադրամի մամլո ծառայությունը, որի գրասենյակը գտնվում է Վաշինգթոնում:
Նրա խոսքերով՝ վերոնշյալ վարկի տրամադրման որոշումը տեղի է ունեցել Երևանի իշխանությունների կողմից ԱՄՀ-ի վարկային օժանդակության եռամյա ծրագրի նոր՝ թվով վեցերորդ վերանայման ժամանակ: Նշենք, որ ծրագիրը հաստատվել է 2010 թվականի հունիսի 28-ին: Ընդհանուր առմամբ այդ ծրագրի շրջանակներում Հայաստանը ստացել է 407.2 մլն դոլարի վարկ:
Ինչպես նշում է ԱՄՀ-ն, Հայաստանի կառավարությունը ընդհանուր առմամբ կատարել է այս ծրագրի համաձայնեցված պայմանները: «Հայաստանի տնտեսության աճը 2011 թվականին հասել է 4.7 %, անցած տարի 7.2 % և շարունակում է մնալ կայուն ընթացիկ տարվա ընթացքում»,- նշել է հիմնադրամը: Ընդ որում՝ հանրապետությունում սղաճը կազմել է 4 %-ից քիչ, ինչը համապատասխանում է համաձայնեցված ցուցանիշներին:
«Միաժամանակ Հայաստանի տնտեսությունում շարունակում են մնալ մարտահրավերներ և թույլ կողմեր»,- նշում է ԱՄՀ-ն: Հիմնադրամի կարծիքով՝ այդ խնդիրների լուծումը կօգնի Հայաստանի կառավարության կողմից կանխատեսված տնտեսության ապագա զարգացմանը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
