Երեկ լույս է տեսել Tatler ամսագրի մայիսյան համարը, որի տպագիր տարբերակը կայծակնային արագությամբ սպառվել է թերթերի կրպակներից: Համարի գլխավոր հերոսուհին 29-ամյա Տաթեւիկ Կարապետյանն է ՝ «Տաշիր» ընկերության հիմնադիր Սամվել Կարապետյանի դուստրը, Իգոր Բուլատովի երկու երեխաների մայրը եւ նախկին կինը։ Նշենք, որ Բուլատովն ընտանիքից հեռացել է 35 -ամյա մոդել Վիկտորիա Լոպիրյովայի պատճառով։

 Հրատարակության գլխավոր խմբագիր Քսենիա Սոլովեւայի հետ զրույցում Տաթեւիկը պատմել է Իգորի հետ ծանոթության, համատեղ կյանքի առաջին տարիների մասին, ինչպես նաեւ ամուսնու՝ Վիկտորիա Լոպիրյովայի հետ կապվելու և նրանից որդի ունենալու մասին: Այն բանից հետո, երբ Վիկտորյա Լոպիրյովայի եւ Իգոր Բուլատովի սիրավեպի մասին տեղեկատվությունը տարածվեց մամուլում, Տաթեւիկը (ինչպես իր ընտանիքը) երկար ժամանակ լռություն էին պահպանում: Ծնողները չէին ցանկացել միջամտել դստեր եւ նրա ամուսնու հարաբերություններին, վստահեցրել էին, որ կաջակցեն նրա ցանկացած որոշմանը: Ստեղծված իրավիճակին Կարապետյանը հանգիստ է արձագանքել եւ Tatler-ին տված հարցազրույցում բացատրել է, թե ինչու.«Որքան էլ տարօրինակ հնչի, ես հասկացա, որ եկել է իմ աստղային ժամը: Ոչ թե ֆոլովերների, ոչ թե բիզնեսի գործընկերների համար, այլ իմ ծնողների, եղբայրների, ընտանիքի: Ես չէի կարող այլ կերպ վարվել, քան զուսպ և հավասարակշռված լինելն է։ Ինձ համար այս ամենը հսկայական քայլ առաջ էր։ Իսկ Իգորի համար, դե , ինչպես կարող եմ դիմակայել մարդու քայքայմանը, եթե դա իր ընտրությունն է»:

 Տաթեւիկ Կարապետյանը նաեւ խոստովանել է, որ Մայամիի լուսանկարների հայտնվելուց ի վեր նախկին ամուսնուն չի տեսել։ Տաթեւիկը հստակեցրել է, որ չի խոչընդոտում երեխաների հետ նախկին ամուսնու շփմանը, եթե Իգորը ցանկություն է հայտնում հանդիպել՝ հայտնում է ժամանակը եւ տեղը: Նա պատմել է հոր՝«Տաշիրի» հիմնադիր Սամվել Կարապետյանի ՝ Բուլատովի սկանդալային հեռանալուն ուղղված արձագանքի մասին։ Լրագրողի կարծիքով ՝ հայրը պետք է ոչ միայն Բուլատովին զրկեր ընկերության բաժնետոմսերի փաթեթից, այլեւ նրան պատժեր։ Սակայն Տաթեւիկը խոստովանել է, որ իր նախկին ամուսնու հետագա ճակատագիրն առանց ավելորդ հույզերի որոշվել է ընտանեկան խորհրդում: Տաթեւիկը ծանոթացել է Իգոր Բուլատովի հետ, երբ ընդամենը 15 տարեկան էր: Երիտասարդները ճոխ հարսանիք են արել, տոնակատարությունը փակ է եղել, այդ պատճառով էլ մամուլում այդ մասին տեղեկություն չի հայտնվել։ Կարապետյանը խոստովանում է, որ տոնը կազմակերպվել է միայն ծնողների համար, եւ շեշտում, որ ինքը «այլեւս չի ամուսնանա»:


Այն բանից հետո, երբ Տաթեւիկը հղիացել է, Իգորը պնդել է, որ նրանք ապրեն վերջինիս ծնողների հետ։ Տաթեւիկի մայրը ՝ Էթերին, ամեն օր իր սիրելի փեսային նախաճաշի համար պանիր է պատրաստել.«Հայրս նույնպես հիացած էր իմ ընտրյալից»: Սամվել Կարապետյանի դուստրն ասում է, որ ստեղծված իրավիճակը ոչ թե կոտրել է իրեն, այլ, ընդհակառակը, նոր դռներ ու հեռանկարներ է բացել իր առջև.«Եվ հիմա, երբ իմ կյանքում այդ ցնցումը տեղի ունեցավ, ես հանկարծ հիշեցի, թե ով եմ ես: Դե, դուք չեք կարող 25-ում իմանալ, թե ինչ կլինի ձեզ հետ 30-ին: Ես երազում էի 35 դառնալ: Սա ամենաթեժ տարիքն է, երբ ցանկացած բարդ իրավիճակ պարզապես մարտահրավեր չէ, այլ ավելի լավ դառնալու հնարավորություն, երբ սխալը ոչ թե անկում է՝ այլ նոր թռիչքի հնարավորություն»:

Նյութի աղբյուրը՝armdaily.am