Ադրբեջանի ռազմագերիների, պատանդների և անհայտ կորածների հարցերով պետական հանձնաժողովը հայտարարություն է տարածել Հայաստանում և Ադրբեջանում դատապարտված քաղաքացիներին միմյանց փոխանցելու վերաբերյալ: Մասնավորապես, ըստ հայտարարության, Բաքուն պատրաստ է փոխանակել Ադրբեջանում գտնվող ՀՀ քաղաքացիներ Կարեն Ղազարյանին և Արայիկ Ղազարյանին՝ ԼՂՀ-ում դատապարտված ադրբեջանցի դիվերսանտներ Դիլհամ Ասկերովի և Շահբազ Գուլիևի հետ հետ:
Փոխանակման պատրաստակամության վերաբերյալ դիմումը Կարմիր խաչի միջազգային կազմակերպությանն է ուղարկվել սեպտեմբերի 11-ին:
ՀՀ քաղաքացի Կարեն Ղազարյանն Ադրբեջանում դատապարտվել է 20 տարվա ազատազրկման: Նա 2018 թվականի ամռանը սխալմամբ հայտնվել էր Ադրբեջանի սահմանին, որտեղից առևանգել էին ադրբեջանական հատուկ ծառայությունները: Իսկ 2019թ. օգոստոսի 12-ին Արցախի ՊԲ զորամասի մարտական դիրքից անհայտ հանգամանքներում անհետացել է զինծառայող, 2000 թվականին ծնված Արայիկ Ղազարյանը՝ հայտնվելով ադրբեջանական կողմում:
Ադրբեջանի քաղաքացիներ Դիլհամ Ասկերովը և Շահբազ Գուլիևը 2014 թվականի ԼՂՀ ընդհանուր իրավասության դատարանի կողմից դատապարտվել են 22 տարվա ազատազրկման և ցմահ դատապարտման՝ դեռահասի սպանության, ԼՂՀ սահմանի ապօրինի հատման, զենք պահելու և լրտեսության, նաև հայկական բանակի սպայի սպանության համար:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
