«Ժամանակ» թերթը գրում է. «Հանրային ծառայությունները կարգավորող հանձնաժողովը ներկայացրել է որոշման նախագիծ, ըստ որի՝ մինչև 2025թ. Հայաստանի և Արցախի Հանրապետության բջջային կապի ծառայություններից օգտվողները ռոումինգի համար կվճարեն առավելագույնը 5 դրամ րոպեի համար:
Ռոումինգի սակագնի իջեցումը տեղի է ունենալու աստիճանաբար՝ սկսած 2020թ. հունվարի 1-ից, ինչի շուրջ համաձայնագիրը «Ղ Տելեկոմի» և Հայաստանի բջջային կապի օպերատորների միջև կնքվել էր դեռևս այս տարվա սեպտեմբերի 6-ին: Միայն թե անհասկանալի է, թե ինչու հնարավոր չէ ընդհանրապես հրաժարվել ռոումինգից, և հենց հաջորդ տարվանից: Օրինակ՝ Աբխազիայի և Ռուսաստանի միջև ռոումինգը ընդհանրապես բացակայում է, իսկ Տիգրան Սարգսյանն առաջարկում է ռոումինգը հանել ԵՏՄ երկրների միջև:
Պատկերացնում եք չէ՞, Հայաստանից Ղազախստան խոսում ենք անվճար, իսկ Արցախ՝ ռոումինգով»:
Առավել մանրամասն՝ թերթի այսօրվա համարում:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
