Ռուսաստանի կողմից ԴԺՀ-ի և ԼԺՀ-ի ճանաչումն անընդունելի է, Անկարան կողմերին կոչ է անում պահպանել ողջամտություն: Այս մասին հայտարարել է Թուրքիայի նախագահ Թայիփ Էրդողանը, փոխանցում է «ՌԻԱ Նովոստին»:
«Մենք անընդունելի ենք համարում որոշումը (Ռուսաստանի կողմից Դոնեցկի և Լուգանսկի անկախության ճանաչումը-խմբ.): Կոչ ենք անում կողմերին պահպանել ողջախոհությունն ու միջազգային իրավունքը», – ասել է թուրք առաջնորդը։
Նշենք, որ իրավիճակը Դոնբասում վերջին օրերին սրվել է, ԴԺՀ-ն և ԼԺՀ-ն հայտարարել են Ուկրաինայի անվտանգության ուժերի կողմից բազմաթիվ գնդակոծությունների մասին։
Ռուսաստանի նախագահ Վլադիմիր Պուտինը երեկ՝ փետրվարի 21-ին, Կրեմլում հրամանագրեր է ստորագրել, որով ճանաչել է ինքնահռչակ ԴԺՀ-ի և ԼԺՀ-ի անկախությունը: Պուտինն իր հրամանագրերում հանձնարարել է Ռուսաստանի Դաշնության զինված ուժերին ապահովել նշված վայրերում խաղաղությունը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
