Ֆրանսիայի նախագահ Էմանուել Մակրոնը հայտարարել է, թե չի ակնկալում, որ առաջիկա շաբաթներին Ուկրաինայում պատերազմը բանակցությունների միջոցով կավարտվի, հայտնում է AP-ն։
Նրա խոսքով՝ ինքը Ռուսաստանի առաջնորդին ասել է, որ մինչեւ ցանկացած իրական երկխոսությունը պետք է հրադադար հաստատվի, սակայն նախագահ Վլադիմիր Պուտինը մերժել է, ինչը «դժվարացրել» է իրենց կանոնավոր բանակցությունները:
«Չեմ կարծում, թե առաջիկա օրերին եւ շաբաթներին բանակցությունների միջոցով լուծում կգտնվի»,- ասել է Մակրոնը Փարիզի հարավարեւմտյան Պուասի արվարձանում իր նախընտրական արշավի շրջանակներում կայացած համաժողովում:
Նրա կարծիքով՝ Պուտինը ուկրաինացիների դեմ պատերազմով «պատմական սխալ» է կատարում։ Մակրոնն ընդգծել է բոլոր երկրների ժողովուրդներին հարգելու անհրաժեշտությունը... «եւ հետեւելը, որ ոչ մի ազգ, ոչ մի ժողովուրդ նվաստացման չենթարկվի»:
Նրա խոսքով, Ռուսաստանին նույնպես պետք է հարգել՝ որպես երկրի եւ ժողովրդի, քանի որ «ամուր խաղաղություն չի կարող լինել, եթե Ռուսաստանը մեր մայրցամաքում խաղաղության մեծ ճարտարապետության մաս չկազմի։ Որովհետեւ պատմությունն ու աշխարհագրությունը համառ են»։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
