Ֆուտբոլի Հայաստանի մինչեւ 21 տարեկանների հավաքականի գլխավոր մարզիչ Արմեն Գյուլբուդաղյանցը մեկնաբանել է 2027 թվականի Եվրոպայի մինչև 21 տարեկանների առաջնության որակավորման փուլի վիճակահանության արդյունքները։
E խմբում Հայաստանի թիմի մրցակիցները կլինեն Իտալիայի, Լեհաստանի, Շվեդիայի, Հյուսիսային Մակեդոնիայի և Չեռնոգորիայի հավաքականները:
«Խաղալու ենք շատ ուժեղ թիմերի դեմ: Հաստատապես կարող եմ ասել, որ մեր խմբում թույլ թիմեր չկան: Անկախ դրանից՝ փորձելու ենք քաղել առավելագույնը թե՛ արդյունքի, թե՛ ֆուտբոլիստների առաջադիմության առումով:
Հիմա սպասում ենք խմբի խաղացանկի հաստատմանը, որից հետո արդեն կկարողանանք ավելի հստակ պատկերացում կազմել նաև մեր նախապատրաստական փուլի վերաբերյալ: Խաղից խաղ կշարժվենք առաջ»,- Արմեն Գյուլբուդաղյանցի խոսքը մեջբերում է ՀՖՖ-ի կայքը:
Խմբային փուլի հանդիպումները կանցկացվեն 2025 թվականի մարտից մինչև 2026 թվականի հոկտեմբեր։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
