Երեկ Երիտասարդական խորհրդարանի անդամները հանդիպեցին հանրային խորհրդի երիտասարդական ենթահանձնաժողովի անդամների հետ։
Երիտասարդական խորհրդարանի նախագահող Մարտին Մովսիսյանը տեղեկացրեց, որ հանդիպման նպատակը երիտասարդական երկու կառույցների միջեւ համագործակցության հաստատումն է եւ երիտասարդությանը հուզող խնդիրների բարձրաձայնումը:
Երիտասարդական խորհրդարանի եւ Երիտասարդական ենթահանձնաժողովի անդամները միմյանց ներկայացրին իրենց գործունեության ոլորտները եւ գործառույթները, անդրադարձան հեղինակած օրենսդրական նախաձեռնություններին եւ դրանց վերաբերյալ արձագանքներին:
Հանդիպման մասնակիցներն անդրադարձան հանրապետության որոշ բուհերում վարձավճարների բարձրացման վերաբերյալ որոշմանը եւ սոցիալապես անապահով ուսանողներին տրվող արտոնություններին:
Քննարկվեցին հետագա համագործակցությանն առնչվող հարցեր:
