Ինչպես արդեն հայտնել էինք, երեկ ԱԺ-ում 58 դեմ ձայնով մերժվեց գազի ոլորտն ուսումնասիրող ժամանակավոր հանձնաժողով ստեղծելու ոչ իշխանական չորս խմբակցությունների առաջարկը: Հիշեցնենք, որ ՀՀԿ-ական երեք պատգամավորներ ձեռնպահ էին քվեարկել այս օրինագծին:
Մի քանի լրագրողների հետ զրույցի ընթացքում ԱԺ ՀՅԴ խմբակցության ղեկավար Արմեն Ռուստամյանն այս առնչությամբ նշեց, թե ինքը հույս ունեցել է, որ իշխանության մեջ էլ «ողջամիտ» մարդիկ կան: Մեր հարցին, թե ՀՀԿ-ում երեք ողջամի՞տ պատգամավոր կա, ՀՅԴ խմբակցության ղեկավարը պատասխանեց. «Երեքն էլ քիչ չեն: Դա արդեն խոսում է այն մասին, որ կան մարդիկ, որ հոգով-սրտով մեր հետ են, բայց կարգավիճակի բերումով ստիպված են հետևել իրենց առաջնորդների հրահանգներին: Երբ ժողովուրդը ստիպի բոլորին իր հետ լինել, այդ ժամանակ՝ նրանք էլ մեզ հետ կլինեն»:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
