Այսօր կայացած ասուլիսի ընթացքում ԱԱԽ քարտուղար Արթուր Բաղդասարյանն անդրադարձավ վերջերս ԱԺ-ում Արդարադատության նախարար Հրայր Թովմասյանի արտահայտությանը և ՀՅԴ խմբակցության ղեկավար Արմեն Ռուստամյանի պատասխանին:
Նա նշեց, որ բնականաբար ցանկալի է, որ քաղաքական գործիչները պահպանեն քաղաքական բառապաշարը, սակայն բացառություններ լինում են:
«Բորբոքումներ լինում են, բոլոր երկրներում էլ դա կա: Վառ օրինակ է Ուկրաինան, որտեղ լեզվակռիվը վերաճում էր ծեծկռտուքի: Այդ ամենին պետք է ըմբռնումով մոտենալ», - նշեց նա:
Հիշեցնենք, որ օրեր առաջ Հրայր Թովմասյանն անդրադառնալով Կառավարության հրաժարականի պահանջին նշել էր «ղալաթ են անում» և այդ բառը բացատրել են միայն սխալ են անում: Իսկ ՀՅԴ ղեկավարը վիրավորված լինելով նշեց, թե եթե ասեն «ղալաթ ես անում չաթլախ», չվիրավորվի: Այս արտահայտությունը բուռն խոսակցությունների առիթ է դարձել:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
