Այսօր հերթական անգամ նաիրիտցիները հավաքվել էին Կառավարության շենքի առջև և պահանջում էին իրենց խոստացված աշխատավարձերը։
Հավաքվածները նշում էին, թե այլևս չեն հավատում Կառավարությանը, և պահանջում էին իրենց աշխատավարձերի մարման հստակ ժամանակացույց ներկայացնել։ Նաիրիտի նախկին աշխատակիցներից մեկը մասնավորապես ասում է, թե այլևս չի կարելի խոստումներ տալ և դրանք չկատարել:
Հավքվածները հասկանում են, որ այս հարցի կարգավորման համար անհրաժեշտ է դրսևորել քաղաքական կամք, որպեսզի ի վերջո լուծում տրվի արդեն 4 տարի շարունակվող իրավիճակին։ Ասում են միջպետական բանկի հետ պետք է հարցը կարգավորվի, սակայն սա ժամանակ շահելու միջոց է։ Աշխատավարձերը մարելու համար պետք է ընդամենը քաղաքական որոշում, որը պետք է կայացնի իշխող կուսակցությունը և Կառավարությունը։ Քաղաքացիները մանրամասնում են նաև, որ անկախ նրանից, թե ում հետ, ինչ բանակցություններ են վարում, նրանք պարտավոր են որտեղից ցանկանում են այդ գումարները ճարեն:
Կառավարության առաջ բողոքի ակցիայից հետո նաիրիտցիները որոշում կայացրեցին երթով քայլել դեպի Մարդու իրավունքների պաշտպանի գրասենյակ։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
