SOS հաղորդաշարի ռեժիսոր Հայկ Բարսեղյանի նախաձեռնությանը միացել են բազմաթիվ մարդիկ: Նախաձեռնությունը նախատեսում է Գյումրիում 13 անօթևան և ծանր պայմաններում ապրող ընտանիքների բնակարաններ նվիրել:
Ֆրանսահայ աշխարհահռչակ շանսոնիե Շառլ Ազնավուրը ևս արձագանքել է գյումրեցի ընտանիքներին օգնություն տրամադրելու կոչին:
Իր ֆեյսբուքյան էջում Ազնավուրը հրապարակել է Հայկ Բարսեղյանի տեսանյութն ու գրել.
«Սարսափելի երկրաշարժը 25. 000 մարդու կյանք է խլել, հազարավոր ընտանիքներ մնացել են անօթևան և ապրում են առանց հույսի: Սա մի ծրագիր է, որը նպատակ ունի օգնել վտանգավոր պայմաններում ապրող գյումրեցի անօթևաններին»:
Տեղեկություններ կան նաև այն մասին, որ այս նախաձեռնությանը օգնություն կցուցաբերեն նաև Մադրիդի «Ռեալի» ֆուտբոլիստները: Նրանք կուղարկեն իրենց մարզաշապիկները ստորագրություններով, որոնք հետագայում կվաճառվեն բարեգործական աճուրդի ժամանակ:
Նշենք, որ բարերար Գագիկ Ծառուկյանը ևս հայտնել է իր մասնակցության մասին՝ խոստանալով 13 ընտանիքներից 2-ին բնակարան նվիրել:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
