«Քոչարյանից հետո եկավ տարածքների, ունեցվածքի, սեփականության մսխման ժամանակահատվածը, և հիմա ներկայիս իշխանությունն այդ դժվարությունների վրա է նստած: Դրսի ազդեցություններն էլ Հայաստանի վրա ուժեղ են: Այն, ինչ արել են Ռոբն ու Սերժը վերջին 20 տարիներին, ամենևին չի նպաստել մեր անկախացմանը: Հիմա մի քիչ ավելի հանգիստ եմ, բայց դա չի նշանակում որ ամեն ինչ շատ լավ է»,- այսօր մամուլի ասուլիսի ժամանակ ասաց ՀԱԿ փոխնախագահ Արամ Մանուկյանը:
Արամ Մանուկյանը նշեց, որ ՀՀ-ին սպառնացող վտանգներ կան՝ մատնանշելով տարածաշրջանում տիրող իրավիճակը, շարունակվող արտագաղթը և մի շարք այլ գործոններ:
Նրա խոսքով՝ ներկայիս իշխանությունը հստակ չի արտահայտում իր դիրքորոշումը Արցախի, արտաքին դիվանագիտության, ՌԴ-ի հետ հարաբերությունների վերաբերյալ. «Առաջին ամիսներին, երբ հեղափոխական էյֆորիա էր, կարող էր չլինել հստակություն, բայց անցել է ալիքի շրջանը և իշխանությունները պետք է մատչելի, հասկանալի արտահայտեն իրենց դիրքորոշումը նշված հարցերի վերաբերյալ: Որքան ուշացնում ես ռեֆորմները, դրանց իրականացման հնարավորությունը քչանում է»,-ասաց նախկին պատգամավորը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
